Tum hum ko yad rakhna

Episode No 7

Karachi ponchay to train k ruktay hi rimsha bhi normal honay ki acting krnay lagi, maryum nay usay train se utrnay may maddad ki k achanak se utrnay k doran rimsha ki baysakhi slip hoi or rimsha nay jaldi se maryum ka sahara liya. Tab maryum ko feel ho gaya rimsha abhi tak dar ri ha rimsha ko samjhaty huwy “ tmhray chahray ko deikh kar to aisa lag raha jaisay hm log kisi shaadi par nahi balkay kisi ki barsi par aye hain common yar chear up”.

Maryum nay shaadi walay ghar ponch kar rimsha k ghar walon ko apni khariyat se agha kia, jis par sab ko tassali hoi.

Maryum rimsha ka introduction krwati ha us k bad  maryum or rimsha shaadi ki har rassam ka hisa banti hain. Rimsha ko zabardasti mahndi lagai gai. 

Lakin rimsha pori shaadi may apny ap ko unsecure feel krti rahi, usay har pal salman ka khayal ata or har aik ko deikh kar khud ko chupati. Lakin maryum k samnay normal show krti.

Rasmain hoti rahi rimsha wapas janay ka intizar krti rahi, us ki baychainiaan aisay barh rahi thi jaisay salman us k kahin aas pas hi ho.

Shaadi khatm hoi to rimsha ko kuch sookon aya or janay k liye tayar ho gai. Dono nay wapsi k liye bhi train k safar ka intikhab kia kiun k wo rimsha ko pasand tha. Ghar walon se ejazat lay kr janay ka wakt aya to dono texi may sawar station ki traf nikal gai. 

Rastay may hi texi kharab ho gai or ab itni si bat k liye rimsha aisay preshan ho gai jaisay koi bht bari bat ho gai ho. Maryum or rimsha nay dosri texi ka intizar kia ,road pay khari rimsha ka dar or bhi barh gaya” ye texi kiun nahi a rahi ha”.

 Maryum hanstay huwy “ ab texi a bhi gai to mujhy lagta ha train to hath nahi aye gi, lagta ha rat ki train se hi jana paray ga”.

Abhi maryum usay teaz hi kar rahi thi k achanak se aik car pas se guzri jis say rimsha ko mamuli sa hit kia, lakin ghabrahat ki shiddat se wo khud ko sanbhal nahi pai. Maryum nay cheikhty huwy” kia huwa rimsha tm theek ho”. Maryum khoofzada ho gai .

Kuch lamhay bad garhi bhi ruk gai  or aik bht hi decent si larki ghabrati hoi ayi or boli”oh I m really sorry, can I help u plz”. Rimsha ki halat deikhty huwy us  larki nay apna introduction krwaya jis may us nay apna naam maria btaya  or apnay sath apnay ghar lay gai.

Rimsha ki halat bht kharab ho gai thi, wo bht dar si gai thi or ghabrahat se kafi paseena bhi a raha tha. Us ki ankhon k samnay apna pehla accident ghomnay laga jis may us nay salman ko kho diya tha………..Chahray par aik ajeeb si udasi chaa gai, rimsha ko salman k sath guzray wakt ki yad anay lagi. Us say sawal krna, jhagra krna or phr rothna manana…

----------------